Украінскім вайскоўцам ў Крыме дазволілі выкарыстоўваць зброю.

Мінабароны дазволіла вайскоўцам ў Крыме выкарыстоўваць зброю.

У адпаведнасці з рашэннем выконваючага абавязкі Вярхоўнага Галоўнакамандуючага УС Украіны і выконваючага абавязкі Міністра абароны Украіны, на падставе загаду начальніка Генеральнага штаба — Галоўнакамандуючага УС Украіны, вайсковым часткам УС Украіны, дыслакаваных у АР Крым, дазволена прымяненне зброі.

Такое рашэнне было прынята для абароны ваеннаслужачых ў сувязі з гібеллю прапаршчыка УС Украіны Какурына С.В. падчас штурму 13-га фотаграметрычнага цэнтра Галоўнага ўпраўлення аператыўнага забеспячэння Узброеных Сіл Украіны ў Сімферопалі.

Таксама былі апублікаваныя новыя дэталі падзей у Сімферопалі.

Какурын, які знаходзіўся на назіральнай вежы аўтапарка часткі, быў забіты прамым пападаннем у вобласць сэрца. Акрамя таго, быў паранены ў шыю і руку капітан Федун В.А. Яшчэ адзін украінскі вайсковец атрымаў цяжкія траўмы ног і галавы ад удараў «дубінкамі, арматурай і іншымі прадметамі».

Тыя, хто нападаў, былі апранутыя ў ваенную форму ваеннаслужачых Узброеных Сіл Расійскай Федэрацыі без знакаў адрознення і ўзброеныя аўтаматычнай зброяй, снайперскімі вінтоўкамі  — гаворыцца ў паведамленні.

Па дадзеных абароннага ведамства, камандзіра часткі палкоўніка Андрэя Андрушына захапілі падчас перамоваў, ўтрымліваюць у асобным памяшканні і сілай прымушаюць перайсці «на бок крымскага народа».

 

 

Українська правда

Leave a Comment