Ратуем рыбу разам!

«5-ці, 10-ці,  кілаграмовыя шчупакі ад задухі амаль выпрыгвалі на бераг».

На старыцах САЖА,  ва ўрочышчы   КЛЁНКІ,  ў  апошнюю пятніцу студзеня, назіраўся масавы мор рыбы.  Вестка аб заморы хутка абляцела навакольныя вёскі і Гомель. Лавілі рыбу хто чым мог-рукамі, падсакамі! Адпілуеш кавалак лёду каля берага і рыбы ідзе на чыстую воду — налавілі шмат! Але гэта уратавала сітуацыю-узровень кіслароду падняўся, большасць рыбы дзякуючы гэтаму выжыла і вярнулася на глыбіню! Аб надзвычайным здарэнні ў гарадскую і раённую інспекцыю прыродных рэсурсаў і аховы навакольнага асяроддзя паведамлялі многія жыхары Гомеля.  У гэты ж дзень для аналізу сітуацыі на месца выехалі  прыродаахоўныя службы рэгіёну. Па выніках выпрабаванняў лабараторыі аналітычнага кантролю, у вадзе, ўзятай з некалькіх розных пунктаў вадаёма, апынуўся нізкі ўзровень кіслароду.
Такая сітуацыя на большасці азёр і старыц вобласці!
— Колькасць кіслароду ў вадзе закрытых вадаемаў і старыц —  катастрафічна знізілася. Пры норме не менш 4,0 мгО2 / дм3 месцамі  ўсяго 1,2.
Прычынай такога паніжэння ўзроўню кіслароду, які і справакаваў задуху рыбы, спецыялісты называюць рэзкі перапад тэмпературы і ціску ў вадзе, гніенне водарасцяў.
Варта адзначыць, што стан кіслароду ў водах гомельскай вобласці  прыродаахоўнымі службамі кантралюецца пастаянна. На Гомельшчыне каля 20 тысяч азёр і старыц з затокамі-усе не пракантралюеш і не усочыш! 

Надзея на мясцовых  жыхароў — трэба РАТАВАЦЬ РЫБУ! Секчы  лункі, лавіць рыбу а потым, ставіць у іх саламяныя снапы, насычаць ваду кіслародам.

Кастусь Жукоўскі.Спецыяльна для ТВ


Leave a Comment